190 ملین پاؤنڈ کیس، عمران خان کا چار روزہ جسمانی ریمانڈ منظور

 احتساب عدالت نے نیب کو 21 نومبر تک چئیرمین پی ٹی آئی سے اڈیالہ جیل میں تفتیش کی اجازت دے دی

اسلام آباد(اُردو پوائنٹ اخبارتازہ ترین۔ 17 نومبر2023ء) اسلام آباد کی احتساب عدالت نے 190 ملین پاؤنڈ کیس میں چئیرمین پی ٹی آئی عمران خان کا چار روزہ جسمانی ریمانڈ منظور کر لیا۔ احتساب عدالت کے جج محمد بشیر نے سماعت کی۔عدالت نے نیب کو 21 نومبر تک چئیرمین پی ٹی آئی اڈیالہ جیل میں تفتیش کی اجازت دی گئی۔چئیرمین پی ٹی آئی کے جسمانی ریمانڈ کی نیب کی استدعا پر انہیں صرف جیل میں تفتیش کی اجازت دی گئی۔

/span>

عدالت نے حکم دیا کہ عمران خان سے جیل میں تفتیش کی جائے۔نیب کے حوالے نہیں کیا جائے گا۔ 190 ملین پاؤنڈ القادر ٹرسٹ کیس کی سماعت21 نومبر تک ملتوی کر دی گئی۔ احتساب عدالت نے توشہ خانہ اور 190 ملین پاؤنڈ نیشنل کرائم ایجنسی کیسز میں عمران خان کے وارنٹ گرفتاری جاری کیے تھے جس پر نیب کی تفتیشی ٹیم نے چیئرمین پی ٹی آئی کو گرفتار کر کے مقدمے میں شامل تفتیش >پیر کو نیب نے چیئرمین پی ٹی آئی کے وارنٹ گرفتاری کی تعمیل کیلئے درخواست دائر کی جس پر احتساب عدالت نے سپریٹنڈنٹ اڈیالہ جیل کو وارنٹ کی تعمیل کیلئے قانون کے مطابق اقدامات کا حکم دیا۔ احتساب عدالت اسلام آباد کے جج محمد بشیر نے کیس کی سماعت کی۔ ڈپٹی پراسیکیوٹر جنرل نیب سردار مظفر عباسی، پراسیکیوٹر عرفان بھولا، تفتیشی افسران محسن، وقار الحسن، میاں عمر ندیم اور دیگر پیش ہوئے۔

<span>

عدالت نے استفسار کیا کہ ہائیکورٹ نے اس کیس میں کیا کیا ہی ًنیب پراسیکیوٹر نے جواب دیا کہ وہاں کیس زیر التواء ہے عدالت نے نہ حکم معطل کیا اور نہ کوئی اسٹینڈنگ آرڈر جاری کیا، لہذا عمران خان کے وارنٹ جاری کیے جائیں اور جیل سپریٹنڈنٹ کو اقدامات کی ہدایت کی جائے۔ پراسیکیوٹر نے کہا کہ جب وارنٹ کے بعد گرفتار کریں گے تو جسمانی ریمانڈ کیلئے یہاں ہی لائیں گے، قانون 24 گھنٹے دیتاہے اس سے زیادہ ضرورت ہوئی تو عدالت میں درخواست دیں گے، وارنٹ تعمیل کرانے ہیں جس کے بعد باقی اقدامات ہوں گے، پہلے بھی ملزمان کو جیل میں وارنٹ تعمیل کرائے ہیں۔

عدالت نے استفسار کیا کہ آفیشل سیکرٹ عدالت نے کیا کیا ہی پراسیکیوٹر نے جواب دیا کہ انہوں نے اجازت دے دی ہے کہ وارنٹ تعمیل کروا سکتے ہیں، گرفتاری اس لیے ڈال رہے ہیں کہ تفتیش کرنے اور انوسٹی گیشن کو مکمل کرنے کی ضرورت ہے۔ عدالت نے سپریٹنڈنٹ اڈیالہ جیل کو قانون کے مطابق وارنٹ گرفتاری کی تعمیل کیلئے اقدامات کا حکم دے دیا۔نیب راولپنڈی کی تفتیشی ٹیم نے چیئرمین پی ٹی آئی کو 190 ملین پاؤنڈ القادر یونیورسٹی کیس میں گرفتاری کے ساتھ شامل تفتیش کیا۔

اڈیالہ جیل میں ایک گھنٹہ 5 منٹ سوالات کئے گئے۔نیب راولپنڈی کی ٹیم تفتیشی آفیسر اسسٹنٹ ڈائریکٹر وقار الحسن کی قیادت میں ہونے پانچ بجے اڈیالہ جیل پہنچی، جہاں چیئرمین پی ٹی آئی کو کیس میں وارنٹ گرفتاری لئے جانے بعد گرفتاری ڈالتے ہوئے شامل تفتیش کیا گیا اور پھر اٴْن سے پوچھ گچھ ہوئی۔